قمت من النوم مفزوعه ,,عرقي يتصبب ,,عيني مليانه دموع ,,وقلبي يدق بقوه من الخوف وشوي يطلع من مكانه!!
تلفت يمين يسار كأني أدور شي مضيعته !! يمكن لاني لسى بين الواقع وبين الحلم مابعد صحصحت زين !!
كل اللي اشوفه حولي ظلام في ظلام …وبعدها استوعبت إني لسى في غرفتي وعلى سريري
مسكت الجوال اشوف الساعه كم…. 12 ونص بالليل !!
تعوذت بالله من الشيطان ,,, من الحلم اللي هزني
كنت اصرخ على نفسي إنه كذب وإنه قريبي ماتوفى !! مجرد اشاعه
ولكن الحمدلله إنه كل هذا طلع مجرد حلم,,,,كابوس
ولكن هالحلم خلاني افكر في اللي حواليني
اخواتي
قرايبي
صديقاتي
زميلاتي
ايش قدمت لهم؟؟
يعني لو لاقدر الله طلع الحلم حقيقه وتوفى أحد الاشخاص
هل كان راضي عني؟؟ أو شايل علي؟؟
هل في يوم غلطت في حقه ؟؟ والا في يوم كنت سبب سعادته وضحكته؟؟
اللي اعرفه إنه لسى اللي اعرفهم عايشين فيه فرصه اقعد معاهم اسولف ,,اسمع همومهم وأخفف عنهم
اللي اعرفه إنه لسى فيه وقت اعتذر من الاشخاص اللي سبق وأخطيت في حقهم واطلب انهم يسامحوني
لاني اليوم هم معي وأنا معاهم بس بكره يمكن أحد فينا يكون تحت التراب
يمكن اسمع عباره ( فلان أو فلانه ماتوا ويطلبون الحل)
فلابد إنه استغل كل فرصه عشان أبين لهم قد ايش هم يعنون لي ,,وقد ايش احبهم واقدرهم
فمن اليوم وطالع خلونا نبين للكل اننا نحبهم
حتى بعدين مانندم على اي لحظه
ياما سمعنا وسمعنا قصص عن اثنين كانوا متهاوشين وشايلين على بعض ومات واحد فيهم والثاني عاش بعذاب الضمير يبي يرجّع
فمفروض مانخلي أنفسنا في هالمواقف واحنا نقدر نتجنبها الحين
سامحوني وحللوني
من جد هالشيء لو نفكر فيه لو دقايق الشعور يكون مؤلم كثيرر
ونحاول نتناساه بسررعه اذا فكرنا بانسان تفارقنا معه بسبب اي شيء كان سوء الغلط منا او علينا..
ايش بنستفيد من المكابره وربي المسامح كريم..
كرامتي ماراح تفيدني باي شيء بالنهايه
اهم شيء جواتي يكون مرتـــــــــــــــــــــــــــــــــاح .. ولو هالشيء حصلناه بنعيش بسعاده..
لو افكر بلحظه باي شخص تفارقت معه لاي سبب اتضايق كثير..
لو انه عمل لي مصيبه..بالله ايش بتكون رده فعلي بخبر وفاته..
ياااقلبي ياغدوو الله يحللك دنيا واخره ماشفت منك الا الخير ..
يالله ياغدو بالفعل كلامك صح
مدري ليش دخلت موضوعك اللحين على إنه شايفته من زمان بس تو قررت أرد
تو أمس أم وحدة من صديقاتي ماتت تخيلي ماعيدت معهم صامت أخر يوم برمضان وتوفت
تدرين يوم قفلت منك أقولك معاي خط بنت خالي وأنا أكلمها جاني مسج فيه إن “أم عنود” ماتت
تنكدت حسيت إنه ممكن نموت في أي لحظة واحنا مو متوقعين
هم مجهزين للعيد ومتجمعين وبدال مايصلون صلاة العيد
راحوا صلوا صلاة الميت على أمهم
الله يرحمها
ويحسن خاتمتنا
وعن نفسي “مسامحتك”P: تراني ما أحقد
اذا رجعتي بالسلامة حسابك معاي راح يكون عسير عشان…….!!
هلااا غدوو..
كنت جالسه اشوف ايش منزله مواضيع جديده
وكنت اسمع موسيقى هاااديه وحزينه بنفس الوقت
وانصدم بعنوان هل موضوع
رغم اني مااعرفك غدووو
بس بغيت اصيح وربي ضاق صدري
احس اني اعرفك من كلام رنووش عنك
قلت مهما كااان ليه تسميه كذا
اهئ اهئ
.
.
وبالنسبه الموضوع
انشالله مايكون احد زعلان مني
وبالنسبه اذاا انا زعلانه من احد فانا مسامحته مو انا اللي اوقف قدام ربي واحاسب انسان عشي تااافهه
وقلبي غدووو
الله يحللك دنيا واخره
ولايحرمك من غالي
من جد غدوش
ياما ناس صار لهم هالموقف و اولهم اخوي
مات خويه وكانوا متزاعلين ذاك اليوم ..بعدها جلس اخوي يمكن ابو اسبوع ما
يكلم احد ابد ..
بس الحين اشوا
على العموم كلامك مررة حلو
والله يسامحك ويحللك دنيا واخره .. بس اخاف انتي زعلانة مني ؟؟
اخفاقات قلب
بالفعل الكرامه ماراح تفيدنا في النهايه…مالعب في حسبتنا الا هالكرامه
يكفي ان الواحد ينام متطمن وضميره مرتاح انه مافيه احد شايل عليه
فديت قلبك يادوبا….ويحللك
وانتي كمان ماشفت منك الا كل شي حلو ويسر
ياجعلي ماانحرم منك يادوبا (^_^)
سيمفونيات أنثى
الله يرحم ام صديقتك ويرزقه الجنه من غير حساب
يؤيؤيؤ وش حسابه ووش عسيره؟؟ يااختي مازرفت الكتكات حقك وربي خخخخ
فديت قلبك يادوبا
نورتي (^_^)
ميوش
العنوان سميته بسبب الجمله اللي كانت مسيطره على مخي لحظه كتابة الموضوع فشفتها انسب جمله ممكن تنحط عشان تعيشون جو<<تسمع بالاجواء ذي خخخخ
ومسامحتك للاشخاص يدل على قلبك الكبير لانه مو الكل يقدر يقدم على الخطوه لانه حاجز الكبرياء والكرامه واقفه قدامهم
ويحللك كمان (^_^)
وجعلك تلقين السعاده في كل دروبك
تسلم لي هالطله (^_^)
ابرار
ياهلااا وغلاا ..نورت المدونه يابعدي
كان قلتي بتطلين هنا عشان نصلح قهوه ونقرب التمر هع
موقف صعب انحط فيه اخوك ولابد تحصلين لحد الان رواسب للموقف في نفسه
الله يرحم خويه ويرزقه الجنه بدون حساب
افاا والله انا ازعل من ابرار الله لايجيب هاليوم يادوبا ..
والله يحللك انتي كمان (^_^)
كل يوم تعالي هنا ترى مااخالف خخخخ
منوره بطلتك (^_^)