قمة العذاب إن الواحد يكتب بوست جديد وحرف الالف في الكيبورد معلق ماادري وش سالفته هع
مافيه اي اسلوب,,, النصح قريب من الصراخ ,,,ويمكن يعطونك نظره استحقاار !!
المشكله انه هالنوعيه مايدرون انهم ممكن ينفرون الناس من الالتزام بسبب اسلوبهم الخطأ!! ولكن هم بزعمهم إنه حنا ملتزمين احنا الصح !!
قال تعالى : ( إنك لاتهدي من أحببت ولكن الله يهدي من يشاء )
الهدايه بيد الله عزوجل ولو كان الواحد افسق خلق الله ,,, ولكن بعض الملتزمين اذا ماشافوك مثلهم بعد النصح يحسبونك مااخذ الدعوه ( تحدي أو عناد) !!
اللي نحتاجه تثقيف بعض الملتزمين وانهم يعرفون اساليب النصح والكلام,,, يتبعون طريقة رسولنا محمد عليه الصلاة والسلام فهو اعظم قائد وافضل ناصح !!
التفتنا كلنا لمصدر الصوت وكانوا اثنين من رجال الهيئه ,,, واحد كان ساكت والثاني كان اسلوبه بالنصح غلط!
عاد انا ماادري وش سالفتي بس من اشوف واحد من الهيئه أنتفض رغم إني متنقبه ومااحط اي زينه في المول حتى لو كحل! عشان كذا اول ماشفت رجل الهيئه التفت وعطيته ظهري كأني أدور تيشرت ولو تسألوني وش اني ماسكه هذاك الوقت بأقولكم ماادري!!!
الرجال: هيييه إنتي تغطي !
تغطي؟؟ كلنا متغطين مافيه إلا هيوف اختي اللي في الابتدائي ماتغطت!! معقوله يقصد هيفاء؟؟ بس هي لسى صغيره !!
الرجال: ماتسمعين إنتي أقول لك غطي عيونك
يوم قال غطي عيونك عرفنا إنه يقصد وحده فينا,,,, وفي النهايه صارت زوجة خالي المقصوده!! مع العلم إن عبايتها على الراس!!وانا وخالتي واخواتي رغم انه عباياتنا على الكتف بس ماتكلم علينا !!
المهم إنه رجل الهيئه طول ماهو يصارخ على زوجة خالي وهو عينه في عينها مع انه الاسلام حثنا على غض البصر!!
زوجة خالي على طول غطت عيونها وقالت له : الله يجزاك خير مره ثانيه لين جيت تنصح انصح بشويش مو بصراخ ومنافخ!! وبعد نزل عيونك مو تقعد تطالع فيني
تعرفون وش قال لها:هذي النظره شرعيه << ليه الاخ جاي يخطب!! اي شرعيه ياعم!!
يعني الهيئه جهاز مهم في الدوله ووجودهم ضروري برأيي,,, ولكن هم يمثلون الاسلام ولكن بعض اللي ينتسبون لهالجهاز يمثلون الاسلام بطريقه خاطئه وهالشي ينعكس بشكل سلبي !!
وياما قصص مع نااس ملتزمين نسمع فيها,, مثلوا الدين بطريقه سيئه
وبالمقابل ياما سمعنا عن ناس ملتزمين بأسلوبهم الحلو قدروا يقنعون الطرف الآخر وهذا هو اللي نحتاجه
يعني الزبده من كلامي: اللي بيمثل الدين يكون عارف وعالم فيه و يكون النصح بالرفق واللين حتى تؤثر النصيحه في نفس الموجهه له !!
الله يرزقنا الهدايه
ههههههههههههههههههه
قال النظره الشرعيه قاال الله يرجه
خخخخخخخخخخخخخخخ يبي يصرف ماعرف,,, بدال مايرقعها اعماها
الله يهديه ويصلحه
نورتي يابعدي
تعالي كل ابو دايم
فكرة وجود الهيئة فكرة جميلة ,, لكن للأسف إلي أسمعه دائماً إن طريقة نصحهم بحاجة إلى نصح أصلاً .. فأسلوب المنصح هو الذي قد يجذبك للنصيحة ولا ينفرك منها ..!
وقد قال سبحانه وتعالى لرسوله الكريم: ” ولو كنت فظاً غليظ القلب لنفضوا من حولك ”
تحياتي لج سوالف!
هههههههههههههههههههه
الله يرجكم
بس تدرون هذولا الناااس اللي ماعندهم اسلوب
ازموني في عيشتي
تجيك وحده تنصحك
وشوي بنعالها على راسي
حشااا ايش شايفتني قدامها
او يجيك واحد ينصح وبمنافخه طبعاااا
ويخش محل مع زوجته
كله حريم ايش دخلك
المحل زحمه حريم يعني بيصدم بحرمه
لا خاش وواثق
وشاطر ينصح بس<<هدوني عليه بس غدووو خلينه بس اوريك فيه
هههههههههههههههههههههه
الحياه اسلوب
هذا قانوني بالحياه
مافي اسلوب
مافي تعامل
مافي احترام
مافي تقدير
انت تكسب شخص اللي قدامك
باسلوبك
وتكبر في عينه
روعه الموضوع غدووو
ابدعتي
.
.
مشكوره
هلااا غدووو
منجد معاكي حق بعض الملتزمين او من الهيئه من اسلوبه تعصبي منه وبعض الاحيان ودك تعانديه كمان
الدين النصيحه واحنا عارفين هالشيء لكن اذا جاني باسلوب صراخ ماراح اقدر اتعامل معاه ويمكن اعند كمان
وفيه عالم ملتزمين وربي عليهم اسلوب ودك مايسكتو من حلاوته
اذا مره وانا بالمدرسه مسكتني استاذه ماتدرسني جلست تنصحني بحاجه تااافهه طبعاا ^_^ وربي ياغاده مرررره خجلت من عمري ومأثر فيني كلامها الى الان ..
لكن الهيئه لاااااااازم يعدلو من اسلوب بعض افرادها مو كلهم طبعااا
لانها من جد مهم وجودها برايي واذا بيصيرو على حالهم بها الاسلوب الناس ماراح يسمع لهم احد
وبعدين الايه الكريمه ” ولو كنت فظا غليظ القلب لانفضو من حولك”
ربي ذاكر هذاا الشيء
بالاسلوب الراقي والحلوو كل شيء يتعدل
حتى نفس الشخص جواته تتعدل كم كلمه حلوه نصيحه من قلب شخص يحبنا جواتنا حيه الى الان
غدووو تسلميلي والله ع الموضوع الحلووو
ههههههههههههههههههههههههههههههههههههههه وربي ضحكتيني قال النظره الشرعية !! انا والله ودي اعرف ليش هالعذاب كله للحرمه .. الرياييل عيونهم طويله اشعلي انا امشي مثل الخيمه عشان خاطر لايلتفتون .. هذيلا يشوفون وحده لابسه اسود يلحقونها حتى لو شيفه ..
ذكرتيني بالدوام.. صديقتي تونسية ماتتحجب وشعرها مصبوغ وحالتها حاله .. وجات وحده مطوعه تمشي لين مرت من عدال المكتب التفتت التفاته خطيره وهي عيوز خرعتنا .. وقفت وقالت (( انتي تحجبي )) << خلاص كلمتها تمشي
البنت قالت اوكي .. انا ضحكت قلتلها قولي ان شاء الله تجذبين ليش .. الحرمه قالت (( تحجبي زين )) << ياشيخة قوية
صديقتي قالت طيب <> طلعت ام زوجة المسؤول
صديقتي قالت لا مابتحجب الا عن قناعة اذا مو عاجبتكم طلعوني من الشغل وفكوني لاتقعدون تقرقون فوق راسي @@ مسكينه كل يوم يقولها ام زوجتي تسلم عليج