بأقول كلام واللي يخالفني فيه فلاعاد يكمل قرايه الموضوع ولاعاد يرد على مواضيعي وانا كمان معادني داخله على مواضيعه 
بتقولون متعنته برايها وانها ( ماتنتحاكى) ولااحد يقدر يناقشها بقول (لا وش دعوه ) بس وش اسوي لاشعوريا اتنرفز من اللي يخالفني الراي (ويناشبني برايه 
لالا تصدقون تراني منيب كذا 
…..بس متقمصه دور الفئات ( اللي ماتتقبل أي رأي يخالف رأيها) 
والاغلبيه يمكن سبق واحتكوا بهالفئات لدرجه يمكن تقطعون النقاش مع ( الطرف المتعنت ) من حومة الكبد 
وتختمونها بجمله ( انت الصادق والصح) عشان تسكتونه وتندم على الساعه اللي فتحت معهم نقاش 
بصراحه عجزت افهم هالفئات ليه ماتتقبل وجهات النظر الثانيه دامها في حدود الاحترام وماقللت من وجهة نظرهم ؟؟ 
يعني يجونك ناس بمجرد ماتبدا تناقشهم يبدون باللعلعه والصراخ 
( هذا طبعنا يالعرب دايما في نقاشاتنا يرتفع الصوت) بزعمه انه اذا رفع صوته بيخليك تقتنع بوجهة نظره ويفحمك ويخليك ماتعرف ترد (بالعربي يحجر لك) مايدري انه الصراخ يسبب اثار جانبيه حيث يصاب الطرف الاخر بالصداع وبطنطه بالاذن وربما (تنفقع) طبلة اذنه ويبحل بعمره 
وفيه فئات اذا مااعجبهم كلامك يبدون يدقونك بالحكي ( ويستخدمون اسلوب المزح والا اسلوب غير مباشر) وهو بالاصل دقه فيك (مسوين بريئين ترى مانقصدك) يعني اللي على نياته ماراح يفهم الدقه 
وفيه نوع ثالث (هذا خطر تقرب منه) 
يعني يمكن من العصبيه يفلقك بالصحن اللي جنبه 
والا يمسك راسك ويخبطه في الجدار 
(ويخليك تقول البعير يطير من اللخمه) ….نصيحه هالنوع لاتنقاشهم الا اذا كنت بايع عمرك فناقشهم ….واذا مرره مسكت في راسك تبي تناقش هالنوع فأسلم لك ناقشهم بالتلفون 
( لان اكثر شي بيجيك تسكيره الخط في وجهك)<<<تسكيره خط ولا انك تتشوه 
وكافة هالانواع (يمجرد ماتخالفهم الرأي) يحطونك على طول في البلاك ليست ويقاطعونك ( حتى الدينمارك ماقاطعوهم مثل مايقاطعونك ) ولاعاد يناقشونك او يردون على مواضيعك (تحس فجاه انك ذابح لهم أحد من اهلهم ) 
طبعا هذولا (يسمعون) بأسلوب الحوار ولايدرون وش هو !! المفروض يعرفون انه مو معنى انه الطرف الآخر عنده وجهة نظر مختلفه انه يعاديهم او يكرههم او مستقعد لهم 
سؤالي:
هل سبق وانه صار لكم موقف وانه بمجرد ماخالفتوا وجهة نظر اللي قدامكم قلب عليكم….وايش سويتوا لحظتها؟؟
صار كثير بس ماسويت شي اسكت لانه ما ينفع الكلام معه..
وبرايكم ايش انسب اسلوب لمواجهة هذي المواقف او الفئات؟؟
الصمت واذا اقتنعت برايه تكون استفدت
مساء الورد……….كيفك ياحلوه
انا احب احترم الي قدامي واحب الحوار لما يكون زاخر بس
بهدووووووووووووووء……ايش؟؟!! هدوووووووء
اول مايطلع لي واحد من ربع _ان لم تكن معي فأنت ضدي_
اسكت مو من قله الحيله ابدا…………….من الصداع
وعمر الناس الي كذا ماتكون مقنعه وكمان عمرها ماراح تتعلم
ولا راح تفهم..ليه !! لانهم مقفلين دماغهم لازم الواحد يكون منفتح
ذهنيا ويتقبل الاخر ..وينصت كويس وما يرفع صوته عالناس
ملاحظه :الاغلب في هذا الزمن يكونون من هذه الفئه العنيفه..!!للاسف
لا ماني مخالفتك الرآي
ياكثر ماتصير لي ,, ويكون الشخص ملزم على رايه , المصيبه مو كذا
المصيبه لا صارت سالفة تافهه ,, يعني ماله داعي الاصرار على الرأي
والأمر والادهى اذا محد طلب رآي هالاوادم
واحسن شي انك تنزل راسك وتبتسم ابتسامة سخريه من الوضع اللي وصل له الموضوع من صراخ وغيره
هنا ,,تعرف وش شعوره؟؟
اما المقدمه . يوم شفتها قلت بكتب بس عناد واخالفها
بصراحة دايم تصير لي .. بس تختلف رده فعلي من موقف لموقف
احياناً اجلس اناقش واناقش واللي قدامي مقفل راسه .. وقتها خلاص اسكت واريح راسي
ونادراً محد يقتنع ولا اذا اقتنع مستحيل يقول معك حق – الا نادراً – يقول هو كلامك ممكن مقبول .. الخ
عشان كذا الحين هذي الايام صار فيني بروووود .. اول مااحد يخالفني سكتت !! وبس
How r u? your website is nice
I have a new band and we just had a live gig u can see here:
http://tinyurl.com/9tqcum