السلام عليكم ورحمه الله وبركاته
قال الله تعالى 
ومن شر حاسد اذا حسد)
الحسد حق…واي واحد مسلم أكيد راح يؤمن بالحسد
فيه ناس اعوذ بالله مهما كانوا شبعانين وعندهم خير بس تحصلون عينهم تطالع اللي عند غيرهم
يعني الواحد ليه مايكون قنوع؟؟ عشان نعرف نعمة الله علينا مفروض نشوف اللي أقل مننا مو اللي أعلى
ولكن الحين الناس صاروا موسوسين بالعين…وبصراحه ماني عارفه هل أضحك عليهم والا اتفهمهم ؟؟
مرات أقول والله يحق لهم من كثر مانسمع ونشوف لناس تضرروا من العين
ومرات أقول موسوسين بزياده….وبالفعل فيه ناس عندهم كابوس اسمه (عين)
لين كح بزر لهم قالوا عين….مع انه ولدهم كان شارب مويه بارده
يجيك ولدهم يطامر مع الدرج وتكرفع وطاح قالوا اكيييد انها فلانه ذاك اليوم عطته عين..مع انه فلانه ماشافتهم لها سنه
لو السالفه على عين كان انا اكثر وحده انصكت بعين…ياما تكرفعت وياما تكسرت وياما صارت لي اصابات شنيعه بس ماعمري فكرت انها عين لانه هالشي مقدر ومكتوب .
يجونك بعض الحريم بعد كل عزيمه تجمع الغسال حق البيالات وتتمسح به حتى لو ماكان فيها شي….بس الوسوسه الله يكافينا الشر
والا بعض الامهات يجيك ولدها ماشاف الزين أبد وتلقينها ماتطلعه على الناس تخاف انه يصكونه بعين…
فيه ناس مايسوون اشياء ودهم يسوونها والسبب ….نخاف ننصك بالعين
خلاص انا احس هالشي فكره نتربى عليها ,,, يعني اذا كانوا اللي حوالينك موسوسين بالعين فأكيد راح تتاثر لو بشي بسيط بهالفكره
بزارين الحين الواحد طول اصبعي ومع كذا هم كمان موسوسين بالعين….طيب ليه كذا؟؟
اوكي العين حق بس عاد مو بتفريط
ومفروض نتذكر ان الحافظ الله ولو الله كاتب انك بتنصكين بعين فراح تنصكين بها وحتى لو كنتي في غرفه مقفله محد يشوفك…
نقرا وردنا (اذكار الصباح والمساء) ونتوكل على الله
هلااا غدووو ..
زمااان ماقريت سواليفك لها وحشه والله
العين حق وماننكرهاا
لكن الوضع الحين زاد عن حده
لما الوحده تضاااايق تكتئب بسبب او بدووون عطووووول فيها عين
لما الوحده ماتتوفق بدراسه زواج فيها عين لو انها اغبي النااااااس اوهي متسببه بمشكلتها
انا ماانكر العين ابداااااااا بس بصراااحه تفرقين بينها وبين ضيقه صدر وغيرها
موجوده هي وشفناهم بعيووونا بناس ربي يشفيهم
والوسوسه فيهاااا زادت بقووووووووووه
بس لما احصن نفسي بالاذكار
ويكفي بس “اعوذ بالله من كل عين لامه ومن كل شيطان وهامه” سبع مرت تكفيه وخلاااااااااص
يتوكل على ربي يحرسه ويحميه
غدووو موضووع في صميم المجتمع
حووولي علم اجتماع ههههههههههههههه
واااااصلي ^_^
هههههههههههههههههه
يآعمري عليك بس
شوفي آهمـ شيء الوآحد يقرآ الاذكآر ويتوكل على الله وكل حآجهـ مقدرهـ ومكتوبه
بس والله النآس صآر مآلهمـ شغل غير خلق الله فلان وفلان وعلان ومدري وشوو :/
قسسسمن انك صادقه فيه ناس موسوسين بقوه
الله يكفينا الشر
كلامك واقعي وماعندي اي اضافه عليه
يعطيك ربي الف عافيه يالغلا
صح هذا واقع مجتمعنا ..
من قلة العلم .
بوست خطير غدو ..<< ماشاء الله
لاصكك بعين <خخخخ
لاتحرمينا سوالفك..
من جد صار كل ماحد يتكلم جاتني عين ومن ده الكلام
,
مشي حالك يختي
حقيقه _غبيه _ بس واقع
الشين يخاف من العين قبل الزين
واتوقع والله اعلم_توني مخلصة كتاب في علم النفس من يومين_
ان العقل الباطن عند الشيون ياحرام(:
يتكيف مع العالم الخارجي
فيدعي هذه الادعاءات الباطله
سلااااااااااااااااااااااااااااااااااااااااااااااام