ليه الظلم ياناااااس :@

السلام عليكم ورحمه الله وبركاته

 

 

 

 

 

من زمان عن هالمكان بس هانت معاد باقي الا اسبوع واخلص ( الله يعدي الاسبوع الجاي على خير )

 

ماتتصورون كيف مقفله معاي,,,يعني زود ماعندي امتحانات جت وحده من الدكتورات وكملتها

 

الظلم يانااس متى ينتهي الظلم L

 

سالفتي تبدا يوم جت استاذه ( الترجمة الاداريه ) وقالت لنا امتحان الشهر الاول عليه 20 والشهر الثاني كمان عليه 20 وعلى واجب نسلمه 10 درجات ,,,, يعني المجموع كله 50

 

لهنا واحنا حلوين

 

الشهر الاول جبت 16 ونص من 20

الشهر الثاني جبت 15 من 20

 

درجات معقوله الحمدلله

 

نجي الحين للواجب ,,,, طبعا اختكم في الله متعوده تسلم واجباتها على ايميلات الدكتورات وكلهم يقبلونه ,,, يوم جاء واجب هالاستاذه سلمته كعادتي عن طريق الايميل ولانه كمان ذاك الوقت طابعتي خربانه

 

كنت كاتبه في الايميل بما معنى  الكلام (teacher  if you get this email, plz let me know ) يعني استاذه اذا وصلك الايميل عطيني خبر (كنت مرسله الايميل يوم الاربعاء وهو اخر يوم تسليم فيه الواجب)

 

انتظرت الويك اند ولاوصلني منها أي رد,,, يوم الجمعه ارسلت لصاحبتي الايميل وقلت اطبعي الواجب وبأخذه منك في الجامعه ,,,

 

وصرت طول الاسبوع اجي لمكتب حضرتها بس طال عمرها غايبه ,,, كلمت الاستاذه اللي معاها في نفس المكتب وقلت لها ترسل لها مسج على جوالها وبالفعل ماقصرت ارسلت لها مسج وقالت لها (انه طالبة اسمها غاده مرسله على ايميلك الواجب من الاربعاء اللي فات ) وكمان ماردت على الاستاذه

 

بعدها بأسبوع وتحديدا يوم الجمعه قالت لي وحده من صحباتي انه الاستاذه بتكون موجوده السبت ( السبت هو يوم اوفي ) قلت في نفسي مو مشكلة بأحضر السبت أهم شي اكلمها

 

بالفعل رحت وحصلتها في مكتبها ودخلت عليها والابتسامه شاقه وجهي

 

أنا : استاذه ارسلت لك الواجب على الايميل بس مارديتي علي وجبت معاي كوبي احتياط

هي : لا ماراح اقبله

أنا: بس استاذه انا مرسلته على الايميل وفي الوقت المحدد

هي: مااقبل عن طريق الايميل

أنا : بس استاذه في الكلاس سمعت وحده من البنات تقول لك انها ارسلت على ايميلك وقلتي انه اول ماارجع من الجامعه باشيك عليه فقلت اكيد انها تقبل عن طريق الايميل,,, وبعدين انا طول الاسبوع اللي فات اجي لمكتبك واحصلك غايبه يعني وشلون بأسلم الواجب وكمان قلت لوحده من الاستاذات ترسل لك مسج على جوالك

هي : انتي غاده ؟؟ ايه وصلني مسج عنك<<انا هنا تفائلت

أنا : ايه انا غاده

هي : ومع كذا ماراح اقبل منك شي

أنا : ليه يااستاذه بس انا مشتغله ومرسلته على ايميلك وعندك الايميل موثق فيه يوم الارسال

هي: كمبيوتري فيه فايروس ولااشيك على الايميل

أنا : طيب فيه نت في الجامعه تقدرين تشيكين على الايميل منه (الكمبيوتر في مكتبها بس وش نقول في ناس ماعندهم لاذمه ولاضمير )

هي : تراك ازعجتيني اطلعي برى << بالله هذا اسلوب استاذه جامعيه ؟؟

أنا: بس ,,,

هي: اقول لك اطلعي برى

أنا : طيب بأطلع بس خلي معاك الكوبي

هي : ماراح اخذه ولااقبله

أنا : معليش على الاقل خذيه

هي: اييييييه ترى منيب فاضيه لك ,,, عطيني اللي في يدك

سحبت الاوراق بكل وقاحه وبعدين اشرت على مجموعه ملفات

هي: شفتي هالملفات؟

أنا : ايه ؟

هي : هالملفات للبنات اللي ماراح اعطيهم الدرجه وانتي منهم

 

هنا حسيت اني اتكلم مع جدار وطلعت والدنيا مقفله في وجهي ,,, تنرفزت من اسلوبها الوسخ وضاق صدري اني جيت يوم اوفي عشان شي مايسوى :@

 

كنت مأمله انها تغير رايها  وتعطيني الدرجه بس نزلت الدرجات وصارت معطيتني صفر حسبي الله عليها ونعم الوكيل

 

بنات قالوا لي روحي للوكيلة وكلميها,,,, ابوي يقول لي جيبي رقمها من القسم وانا اكلمها ( لانه ابوي الله يحفظه دكتور في الجامعه وبيقدر يتفاهم معاها ) ,,, وبنات يقولون لي لاتروحين للوكيلة ولاتخلين ابوك يكلمها لانه هالاستاذه معروفه بقذارتها وانها تحط في الراس يعني ممكن لو تحطني في راسها بترسبني ( وانتوا عارفين النظام في جامعاتنا الحبيبه مافيه احد يحاسب الاساتذه )

 

ماادري محتاره ,,, ؟؟

تكفون انا وصل مرحلة اليأس ,,,طلبتكم في كل صلاة تدعون لي ان اعدي ,,,,تكفون ادعوا لي الله يسعدكم ويوفقكم