السلام عليكم ورحمه الله وبركاته
كيف حالكم كل ابوكم ؟؟ زمااان ماسيرت هنا…انشغلت بدراستي الله لايشغلنا الا بطاعته بس جد وحشتووووني قدا قدا …
واشكر ميوش ياحبي لها اللي سألت عني …ياجعلنا ماننحرم منك 
المهم ماابي ابربر واجد ويقولون خير الكلام ماقل ودل << زارفة (سارقه ) المثل من كتابة قراءه خخخ
راح انزل موضوع سبق ونزلته في منتديات رجه…كنت كاتبته وكانت النفس خلاص طابت من اللي معقدين الدين ويفتون على كل طالعه ونازله وكمان عن الناس اللي ينطون لك على كل كلمة تقولينها
نبدا على بركة الله
السلام عليكم ورحمه الله وبركاته
تخيل نفسك قاعد في أمان الله تسولف وفجأه قلت كلمة بنظرك عاديه وتحصل أحد ينط لك ويمسكها عليك ويقعد يتفلسف
مثلا مره كانوا يحكون لي عن شاب نعرف أهله وخويه صار لهم حادث الشاب تكسر ودخل في غيبوبه وخويه مات على طول الله
يرحمه …كنت خاشه في السالفه ومتعاطفه مع الآدمي ويوم خلصت السالفه ختمتها بكلمة ياحياتي<<تعاطفا مع الشاب
قال لي شخص: أنا عارف انه ماتقصدين بكلمة (ياحياتي ) كغزل أو حاجه بس لاعاد تستخدمينها لأنه عندنا عقليات بيفهمونها غلط لو بتقولينها قدامهم
قلت له : انا مقتنعه بالكلمه وماطلعت معاي الا تعاطفا أما الناس فما علي منهم ومحد سلم منهم فليه أحسب لهم حساب !!
الشاهد من القصه انه فيه ناس يمسكون عليك كل كلمة ويقعدون يحللونها
يايقولون عيب
يايقولون حرام
وغيرها من الأسباب
لين سألت ليه عيب ؟؟ قالوا المجتمع !! طيب أنا وش علي من المجتمع ؟؟ أوكي أنا عايشه معاهم وبينهم بس مو
معناها إني أسوي شي أو أغير طريقة كلامي عشان يرضون علي المجتمع !! اذا كان ( بعض ) افراد المجتمع
عقليتهم محدوده ( مع احترامي للجميع ) فمو معقوله أتغير عشانهم
المجتمع مو يجون يحكمون على نيتي 
مثلا كلمة (ياحياتي )
بعض المجتمع يمكن يقول ( ماتستحي على وجهها تقول هالكلام,,, ياخزيااه,,,ماتربت)
اما الفئه الواعيه بيعرفون أنه ( كلمة مثل غيرها من الكلمات تعبر عن التعاطف وانه كل شخص له طريقته )
ونجي لسالفة الحرام (دينيا )
مثلا قاعد ونفس الشي تسولف وقالوا لك عن شخص صار له حادث ( وش فيني على الحوادث 
) والا صارت له
أي مصيبه ( الله يبعد عننا المصايب ) وانت قلت ( ياحراااااام ) << نفس الشي تعاطفا
فجأه يجيك شخص وينط لك حرام ومايجوز….الخ
طيب ليه حرام ومايجوز؟؟
يــــــــــــــــــاهـ
موضوعـــــــــــــكـ ع الجــــرح
من جد عقليـــــــــــــات
يفهمون الي يبونهـ مايشوفون ايش نيتك ابد
مو بس على كلمه ” ياحياتي ولا ياحرام ”
على اي كلمـــــهـ اقولها كأني محطوطه تحت كاميرات مراقبه << في الجامعهـ
"قبل كنت اهتم لكلام الناس بـــس الحين بعد ماطفح الكيــــل خليهـــــــــــم يقولوووووون الي يقولووووونه وانا مااااااالي "
اااااسفه طولت عليتس وقلت قصه حياتي
غدوو كلااامك جد الجد
لا واحياناا يحللو الكلمه على حسب مزاجهم واحيانااا يصدرو احكام تمسك من جميع النواحي من تفسيراتهم وتحليلاتهم التافهه العالم صايره تحلل ماورء الكلمه
لدرجه احياانا ودك ماتعلقي لانك تعرفي العقوول للي حولك وتفكيرها التعبان
بس اهم حاااجه انك عارفه نيتك بكل حاجه تقووليها او تفعليهااا قداام ربناا وبس
لان الناس ماراح يوقفووو عن هالشيء و ابو طبيع مايجوز عن طبعه *_*
‘_‘ <<فيس خجلان حدددددددده <كم دال موجوده بكلمة حده ؟؟ هههههههههههههههههههههه
والله لااااااااااااايحرمني منك يأ حلى غدوو بالدنيا
وربي خجلتيني في كلامك وذووقك بعد
مدري ش قول بس يا حبي لقلبك بس
اما بالنسبه لموضوعك <<ااه زمااااان عنهم
هذه الاشياء مستحيل يجيك انسان
ما مر بنفس الموقف
واحياان يوتروك يصرون على رايك وتصيرين كأنك منبذوه وانتي قصدك شريف ما قصدك شي
مررره اضايق اذا صار لي كذا ما انكر
بس ما يهمني احد لاني اذا بهتم بالناس وكلامهم مارح اخلص
بعيش مثل ما انا ابي
مثل ما راسي يبي
واللي مو عاجبه لا يقرب مني <<اححلى يالقوي مايمديني
هههههههههههههههههههههههه
مشكوره ع الموضوع الخطيراتو
ولا تحرمينا منها
.
.
ميوش
miss90mis
في الجامعه او في غيرها العقليات الي تمسك لك على كلمة بتحصلينها في كل مكان حتى لو تشيلين حصاة تلقينهم تحتها … ابد مافيه احسان ظن بالكلام ( مو الكل البعض طبعا )
احسن شي انك تطنشينهم والا جد الواحد بيتعب
منوره المدونه يادوبا … حياك (^_^)
اخفاقات قلب
المشكله لين قاموا يحللون مايحللون شي صاحي لابد اساءة الظن … الظاهر لو تدخلين المجلس على ناس وتقولين السلام عليكم ممكن بعضهم يقول اكيد ماتسلم علينا تسلم على ناس معينين << مثال بس خخخخ
ماادري الناس ليه صاروا كذا وخصوصا الفتره الاخيره ..معقوله معاد فيه قلوب نظيفه ؟؟ والمشكله لو احسنتي الظن في الناس ممكن يجونك ناس وينطون لك ( انتي دلخه على وجهك والا فلانه تقصد تذب عليك ) يعني لايرحمون ولايخلون رحمة ربي تنزل !! طيب انا بأحسن الظن وأريح ضميري انتوا وش عليكم ؟؟
بس الواحد الظاهر معاد يتكلم الا لين عرف شخصية اللي قدامه ويحاول ياخذهم على قد عقلهم
منوره يادوبا … ماننحرم من طلاتك (^_^)
ميوووش
فيه 8 دالات خخخخخ << عدتها << للدلاخه عنوان خخخ
يالبى قلبك انتي اللي والله خجلتيني بسؤالك عني …الله يحفظك لعين ترجيك
بالفعل مستحيل احد عاش مامر بهيك مواقف … والمشكله لو انتي قلتي كلمة ونيتك صافيه وقاطعوك وممكن توصل انهم يعادونك عشان كلمة (فسروها تفسير غلط ) والا لين قلتيها طبوا في بطنك وهاوشوك وانتي مثل الاطرش في الزفه ماتدرين ليه يهاوشونك !!
فعلى قولتك هالاشكال لاتهتمين لهم …عيشي زي ماتبين ( ياقوية ) خخخخخ
منوره يادوبا… ماننحرم من تواصلك (^_^)
بداية جهد مشكور .. وكتابة رائعة بعيدة عن التكلف ..
وأنا هنا لن أكتب بخصوص الإيجابيات .. وإنما ما أراه غير إيجابي – ليس شرطا أن يكون سلبي – .. وتظل هذه وجهة نظر شخصية..
أولا من قال أننا لسنا محكومين بمجتمعاتنا .. إن ثقافتنا وكلامنا وتصرفتنا محكومة بهذا المجتمع الذي نعيش فيه .. ولا يستطيع الشخص إنكار ذلك.. تخيلوا معي كم هي رغبات الإنسان كل إنسان لديه رغبات كثيرة .. ولو كل شخص فكر بطريقتك .. لكنا نعيش خليطاً هلامياً من التصرفات والأفعال والأقوال .. لا يمكن تفسيره.
ثانياً: ألاحظ أنك كنت متضايقة جداً من شخص انتقد كلمة قلتيها .. أليس من الجيد الاستماع إلى الآراء الأخرى .. أليس من الرائع الاستفادة من النقد .. مسألة الحرام والحلال واستثنائها من – الأشياء التافهة – حد قولك كلام غير صحيح .. الدين كامل مكتمل .. وقواعده تطبق على كل شئ عظيماً كان أو – تافهاً – .. لا يعني هذا إصدار الأحكام .. فبالتأكيد ” إنما الأعمال بالنيات ” .. ولكن الرسول الأعظم أيضاً يقول: ” إذا رأيتم الرجل يشهد الصلاة في المسجد أربعين يوماً فاشهدوا له بالإيمان ” أو كما قال الحبيب صلى الله عليه وآله وسلم.
ثالثاً : أكثرت من الكلام ، ولكن لاحظي أني لم أصدر فتوى .. ولم أقل عيب أو حرام ..
تحياتي
محمد القليصي
اولا: حياك الله أخوي في المدونه (^_^)
في البداية أحترم وجهة نظرك وأوافقك عليها ولكن أختلف معك في بعض النقاط
شي طبيعي إننا محكومين في مجتمعنا فااحنا انولدنا مع مجتمع وتصرفاتنا وتفكيرنا أغلبها نابعة من وجودنا في هالمجتمع … فاأكيد تفكير شخص في السعودية مثلا غير تفكير شخص في مصر أو أي دولة أخرى … وبالفعل لو كل واحد عاش بمزاجه كان اختلط الحابل بالنابل ولكن هذا لايمنع بوجود بعض السلبيات ولايوجد مجتمع كامل فالكمال لله فهل معنى هذا إنه نوافقهم على سلبياتهم ؟؟ اعطيك مثال ( بعض القرى ) على كلام وحده تقول انه الحرمه عندهم ( عيب ومنقود ) بالنجدي ( مدقومة ) لا لها راي ولا لها شخصيه لدرجه أنه حتى تمنع من الخروج للاسواق لشراء المنتجات النسائيه الخاصه وهالمهمه يقوم بها الأب أو الزوج أو الاخت ( لانه عندهم الحرمه في السوق مثل عندنا لو يشوفون وحده طالعه مع خويها ) … فلو مثلا كنا نعيش في هالقريه هل المفروض انه نمشي على نفس تفكير أهلها (رغم أنه خاطئ بوجهة نظري ) ؟؟ اللي أبي اقوله انه ( ماننسلخ عن المجتمع انسلاخ تام ونعيش على هوانا لانه هذا راح يعتبر تصرف شاذ ولكن نعيش ونتعايش معهم ولكن نرى السلبيات ونحاول نبتعد عنها )
بالنسبة للنقطة الثانية : لا والله ما تضايقت والشخص اللي نبهني على الكلمة كانت الكلمة بمنظوره عادية بس ( كان خايف من نظره المجتمع) وتناقشت معاه عن هالجانب وسمعت وجهة نظره وسمع وجهة نظري )
بالنسبه للدين نعم هو شامل لجميع نواحي الحياة والحمدلله الاسلام صالح لكل زمان ومكان ولكن يوم حكيت عن النيات كنت أقصد بالنسبة للكلام وليس التصرفات لأن وجهة نظري للكلام راح تختلف من شخص لشخص ..اختلاف وجهات النظر ماهي مشكلة ولكن المشكلة انك تحصل بعض الناس يفسرون الكلام من باب اجتماعي او ديني مع انه يوم قلتها ماكنت تقصد بها أي شي سيئ ( لانه يوجد في مجتمعنا اللي يكونوا مهووسين باانهم يمسكون عليك كل كلمة ويحللونها ويفسرونها ولا يكلفوا أنفسهم حتى يحسنوا الظن فيك وأنا أتكلم هنا عن كلمات جدا عادية ممكن يقولها اي شخص ) لدرجة توصل بعضهم انه لو تحكي عن اي سالفة لو حتى قاريها في النت ( ممكن يقولون ايه تقصد فلان او فلانه وتبي تذب عليه .. من مبدأ اياك اعني وافهمي ياجاره ) … يعني هذا اللي أنا ضده تفسير الكلام العادي من أي منظور واساءة الظن بالشخص لانه لو عشنا بهالطريقة كان انتشرت الاحقاد والنفور والقطاعه في المجتمع وبيصير الواحد يحب يلتزم الصمت عشان مايدخل في متاهات
وبالنسبة لثالثا : لا انت مااكثرت الكلام وبالعكس احب اللي يناقش وياخذ ويعطي لانه هالشي كفيل بتوسيع ثقافتنا ومداركنا
شاكره لك مداخلتك سعدت بها …وحياك الله دايما
مشكورة على التعليق ..
فيما يخص المجتمع .. وما يوجد فيه من الأخطاء وهل نسايرها أم لا .. سأضرب لك مثالاً من حياة الرسول الكريم صلى الله عليه وآله وسلم ..
عندما بدأ الرسول الدعوة وحتى بعد هجرته إلى المدينة وتأسيس الدولة المسلمة كان هناك تصرف خاطيء في المجتمع – شرب الخمر – وعلى سوءه لم يقم الرسول مباشرة بمحاربته .. وانما بدأ بتعليم الناس وغرس قيم الأخلاق فيهم .. وبدأت الآيات القرآنية بالنزول تحث على عدم شربه .. وأن لا يقرب الناس الصلاة وهم سكارى .. وهكذا حتى نزل التحريم.
يعني إذا كان هناك تصرف خاطئ في المجتمع قبل سير عكس وجهة المجتمع لماذا لا يبدأ التغيير من الداخل .. لماذا لا نحاول إقناع الناس وتعليمهم .. وهم من سيقوم بالتغيير بأنفسهم..